! مواقف تجعلك تبتسم لأنك دخلت كلية طب
"الموقف الأول"أتوبيس
طالب الطب والبالطو
"رب ثوب يستغيث من صاحبه"
البالطو في مصر قديماً كان رمز لطالب الطب ولازال حتى الآن ولكن أقل بقليل
وقد يضعك البالطو في مواقف محرجة وأتذكر منها
عندما كنت مستقل الأتوبيس وفي طريقي للمنزل
واذا بــــرجل يسقط في الأتوبيس ويصاب بالإغماء
"فما كان من الناس إلا وصاحوا"مفيش طبيب في الأتوبيس
"مفيش طالب في كلية طب"
وطبعاً كنت انا وقليل من أصدقائي معانا البالطو
"وطبعاً "خبينا البالطو من الاحراج
فنحن لا نعلم ..ماذا نفعل..ومش عايزين نفتي في اللي منعرفش فيه
وعلى طريقة...اعمل نفسك ميت
ولا كأننا شايفين حاجة
لحد الراجل ما فاق لوحده في الاخر
إبتسم لأنك دخلت طب
..................................................................
"الموقف الثاني"تاكسي
طالب الطب والتاكسي
"الطمع قل ما جمع"
عندما تشير بيدك إلى سائق التاكسي وبعد العطف منه
يقف لك فتقول له كلية طب او بمجرد انه يشوف
البالطو معاك فينظر إليك نظرة الحاقد والحاسد
وبعد ذلك يسعى لإستغلالك وياخد منك 10 جنيه
مع ان المشواره كله لا يتكلف سوى4 جنيهات
وكأنه يلومك لأنك دخلت كلية الطب
إبتسم لأنك دخلت طب
......................................................................
"الموقف الثالث"ميكروباص
طالب الطب والميكروباص
"أسأل مجرب ولا تسأل طبيب"
في يوم من الأيام وأنا رايح الكلية ركبت الميكروباص
وما أدراك ما الميكروباص عندنا فهو بمثابة
جلسة من جلسات مجلس الشعب
فقد تجد الناس تتحدث عن الأحداث الجارية وقد تجدهم
يتحدثون عن السياسة او عن الأمراض
شخصياً اعتقد ان الميكروباص من أكثر
وسائل المواصلات تسلية ودائماً ما
أسمع فيه كلاماً لا يعجبني
ولا ينجو الأطباء من كلام الناس
ولقد سمعت في مرة من المرات اتنين بيتكلموا
عن واحد مريض راح للدكتور وقاله...اعمل كذا كذا
"فرد واحد منهم وقاله"معظم الدكاتره مبيفهموش
"وعلى رأي المثل"اسأل مجرب ولا تسأل طبيب
"يا عم دول حرامية اهم حاجة عندهم ياخدوا فلوس"
"دول مش أطباء دول جزارين"
فلقد وضع الأطباء صورة سيئة عن الأجيال القادمة
فوظيفة الطبيب شابها الفساد في مصر
ومع ذلك
إبتسم لأنك دخلت طب
