العلاقه بين الطالب المتقدم للامتحان ومصر بعد الثوره
الطالب المتقدم للامتحان
ممكن يكون مذاكر وممكن يكون مش مذاكر
عارف المواد اللي هيمتحن فيها
عنده اكتر من ماده ممكن يمتحن فيها
في طلاب عايزه تنجح فقط وفيه ناس تانيه عايزه تجيب مجموع
بياخد دروس خصوصيه تساعده في مذاكرته
عارف شكل الامتحان كويس وتدرب على امتحانات سابقه مشابهه
لو مش مذاكر ممكن يغش من اللي جانبه او يسيب ورقه الامتحان ناصعه البياض
ميعاد الامتحان محدد وعارف النتيجه هتظهر امتى
الناس بعد الثوره المصريه
مش مذاكرين الديمقراطيه كويس
مش عارفين الاسس اللي بتقوم عليها الديمقراطيه
عايزين ينجحوا في امتحان الديمقراطيه ومش بس كده.........وعايزين يجيبوا مجموع كمان
مش عارفين شكل امتحان الديمقراطيه ببساطه لانهم لم يروا الديمقراطيه من قبل
مش صابرين لما النتيجه تطلع عايزين يمتحنوا من هنا والنتيجه تطلع من هنا
مش عارفين اللي لهم واللي عليهم
مشكله مصر الحقيقيه ان الناس بتطالب بامتحان الديمقراطيه وهم مش مذاكرين وداخلين الامتحان بالبركه وعايزين ينجحوا ومش كده وبس ويجيبوا مجموع كمان
الصبر .....الصبر
عايزين نصلح المايله الاول.....وبعدين نعدلها
علشان كده عايزين نذاكر ديمقراطيه كويس علشان ندخل الامتحان بثقه ونجتاز الامتحان وتتحقق الاركان الاساسيه للديمقراطيه وهي حكم الشعب والمساواه والحريه الفكريه والعداله الاجتماعيه
محمد حمدي الشمسي
ليست هناك تعليقات:
إرسال تعليق